માઈક્રો ફિક્શન : દાન
સવારના પહોરમાં લક્ષ્મીનારાયણના મંદિરની સામે ભિક્ષુકોની ભીડ જમાવી શરુ થઇ ગઈ હતી. બ્લેક ચમકતી કારમાં શેઠાણી પધાર્યા . ડ્રાઈવરે ડોર ખોલ્યું એટલે શેઠાણી ઉતર્યા, એક ભાવુક નજર ભિક્ષુકો પર નાખી મંદિરમાં અંતર્ધાન થઇ ગયા તે પૂરા કલાકની પૂજા પછી બહાર આવ્યા . ત્યાં સુધીમાં સાથે આવેલા ડ્રાઈવર અને માણસે ડિકીમાં મૂકેલા બોક્સ ઉતારી લીધા હતા, એકમાં હતા નાસ્તાના પેકેટ , બીજામાં હતા ફળ ને ત્રીજામાં બ્લેન્કેટ . ઠંડીનો ચમકારો શરૂ થયો હતો એટલે ભિક્ષુકોની આંખમાં ચમકારો આવી ગયો. એક પછી એક તમામનો વારો આવી ગયો. બાકી રહ્યો એક ભિક્ષુક, એ પોતાની જગ્યા છોડીને ન આગળ આવ્યો ન તો દાન લેવાની ઈચ્છા બતાડી . શેઠાણી જરા વિચારમાં પડ્યા , બિચારો લાચાર , કદાચ સંકોચ થતો હશે ! એવું કંઈંક વિચારી શેઠાણી પાસે ગયા : ભાઈ , આ ભગવાને આપેલું છે , હું તો નિમિત્ત છું. શેઠાણીની નમ્રતા સામે ભિક્ષુકે હાથ જોડ્યા : માજી , પણ , તમારું દાન કેમ ખપે ? તમે આપેલું આ દાન ઓછું છે ? યાદ છે તમારા બિલ્ડિંગના નાકે કેળાં વેચતો ફેરિયો ? તમે પાલિકામાં ફરિયાદ કરીને એકવાર નહીં ઘણીવાર મારો ખુમચો ને માલ જપ્ત કરાવી દીધો હતો ? #માઈક્રો ફિક્